Sa dalampasigan na ating tagpuan
Sumaksi sa wagas na pag-iibigan
Saksi sa kahapon ng kaligayahan
Bukas, na binabalot ng kalungkutan
Tila kahapon lamang ng magpaalam
Yaring pusong nawalan ng pakiramdam
Luha sa iyo ang aking iniwan
Maging mga anghel ay di ka mapatahan
Patawarin mo sana ako mahal ko
At ako ay na una na sa iyo
Si bathala marahil ay may plano
Walang nakaaalam kung ano
Iyong palatandaan, ako'y narito
Pinapanood pag-usad ng araw mo
Marahil wala nga ako sa tabi mo
Subalit dama kong lahat ng paghihirap mo
Dumating ang oras na aking hinihintay
At sa wakas tayo ay di na mawawalay
Bumalik ako doon sa ating tagpuan
upang magsama na tayo ng tuluyan
Hanggang sa dulo ng aking paghihintay
Tayo ngayo'y magkahawak ng tuluyan
Patungo doon sa pook na dalisay
Makakamit ang walang hanggang buhay.
